હેપી બર્થડે સ્મિત

તારુ નામ લઈએ એટલે જ ચહેરા પર 'સ્મિત' આવી જાય છે, પહેલી વાર તને જોયો ત્યારે પણ એ જ નોટિસ કરેલું કે આ છોકરાનું સ્માઈલ સરસ છે, અને પછી પરિચય થયો ત્યારે તારુ નામ જ 'સ્મિત' નીકળ્યું! તુ એવા દોસ્તોમાંથી જે છે જેની સાથે પર્સનલ વાતો શેર કરી શકાય છે અને ખ્યાલ છે કે તુ એ સમજી શકીશ. 

સમયની સાથે બધાં પોતાની જિંદગીમાં વધારે મશગૂલ થઈ જાય છે, પણ, એ યાદો હોય છે દરેક સંબંધની જે જીવાયેલી છે, તારી સાથેની 11-12 સાયન્સની તૈયારી યાદ છે, મોટાભાગની ટેસ્ટમાં આપણા ખરાબ માર્કસ યાદ છે! એકબીજાને આપેલો સહારો યાદ છે કે આપણે બોર્ડની એક્ઝામમાં સારુ કરી શકીશું. થોડોક મૂડ ખરાબ હોય તો તને મળીને સારો થઈ  જતો એ યાદ છે, સેક્ટર-1 લેકની અમુક સાંજ યાદ છે, અડાલજની વાવ અને ઈન્દ્રોડા પાર્કનું ફોટોશૂટ યાદ છે! એક વાર હું બાઈક પર બેસુ એ પહેલા જ તે ઉપાડેલી બાઈક યાદ છે, અને હેલ્મેટનાં કારણે તને અવાજ પણ સંભળાતો નહોતો કે હું બોલાવું છું તને, ફોન કરવો પડેલો! કોલેજનાં રિઝલ્ટસ, ડી માર્ટની શોપિંગ, દરેક એક્ઝામની પ્રિપરેશન, એક જ બેંચ પર બેસીને બીજા લોકો વિશે કરેલી કૉમેન્ટસ, બર્થડે પાર્ટીસ, ફ્રેન્ડશિપ ડેસ, વોટ્સએપ સ્માઈલીઝ...!!!

મારે ઘણું બધું લખવું છે પણ અમુક વાર જે સમયે સારુ લખવાની ઈચ્છા હોય એ જ સમયે શબ્દો નથી મળતાં, હાલ એવી જ સ્થિતિ છે! તને તારી નવી શરૂ કરેલી જિંદગી ખૂબ ખૂબ મુબારક, ખૂબ જ ખુશી મળે, જે ઈચ્છે એ મળે તને, એન્ડ આઈ વિશ કે આપણે પણ પહેલાંની જેમ મળી શકીએ, વેરી વેરી હેપી બર્થ ડે!