Friday, 28 October 2016

ખામખા (૨૦૧૬)






હીરોની કાર બગડી છે અને કાર ડ્રાઈવરને સોંપી સ્ટેટ ટ્રાન્સપોર્ટની બસમાં ચડે છે, તેને પહોંચવું છે કોઈ જગ્યાએ, અને બસમાં મળે છે હિરોઈનને, જે હીરોની બાજુમાં બેઠેલા કાકા સાથે મરાઠીમાં વાત કરે છે, અને હિન્દીનું પુસ્તક વાંચે છે. પૈસાદાર અને સ્ટાઈલિશ હીરોને નવાઈ લાગે છે, અને તરત જ તે મનમાં પૂર્વધારણા બાંધી લે છે,... અને હિરોઈન પણ સામે તરત જ હાજર જવાબ આપે છે, અને તેને ખ્યાલ આવે છે કે બધું આપણને દેખાય છે, તેવું છે નહીં, ...


કોઈ માણસ આ રીતે બીહેવ કરે છે, આ રીતનાં કપડાં પહેર્યા છે, એટલે આ જ ટાઈપનું હશે, કે પેલી ટાઈપનું જ હશે, એવું આપણે બધા પહેલી મુલાકાતમાં માની લઈએ છીએ. આરતી બાગ્દીની હિન્દી દિવસ પર ગયા મહિને રિલિઝ થયેલી આ શોર્ટ ફિલ્મ એની પર જ ફોકસ કરે છે, સ્ટોરી વધારે હું કહીશ તો મજા બગડી જશે, બેટર છે કે આ ફિલ્મ જાતે જુઓ અને નક્કી કરો કે શું અનુભવી શકાય છે! બંને પાત્રો ખૂબ સુંદર લખાયા છે, ડિસ્કસ કરે છે, સાથે ચા પીવે છે, થોડુક ફિલ્મી પણ લાગે કદાચ, પણ ગમશે જરૂર આ 'meet cute' વાર્તા. ફિલ્મની અંતે આવતું એક ગીત વાર્તામાં ચાર ચાંદ ઉમેરે છે, આ રહી ફિલ્મની લિંક...




No comments:

Post a Comment