યે મુલાકાત ઈક બહાના હૈ

ફિલ્મ - ખાનદાન (૧૯૭૯)
ગીતકાર - નક્ષ લયલપુરી
સંગીત - ખય્યામ
ગાયિકા: લતા મંગેશકર

જ્યારે પણ આ ગીત સાંભળુ છું એની ખાસ્સી વાર પછી પણ લતા મંગેશકરનો અવાજ ગૂંજતો રહે છે, દિલ અને દિમાગ બંનેમાં, ફિલ્મ મેં જોઈ નથી, સિચ્યુએશનની મને ખબર નથી, પણ કહેવાયું છે કે આ મુલાકાત તો એક બહાનું છે માત્ર, પ્રેમ તો આપણી વચ્ચે પહેલેથી જ છે, પ્રેમિકા એના પ્રેમીની બાહોમાં છે અને એને લાગે છે કે આખી દુનિયા એના કદમો તળે આવી ગઈ છે! શું રોમેન્ટિક વિચાર છે! ખય્યામનું કર્ણપ્રિય સંગીત અને નક્ષ લયલપુરીના શબ્દો; ધીમે ધીમે ચડતો જામ જાણે! 

આ ગીત સાથે એક યાદ પણ જોડાયેલી છે, કોલેજ પૂરી થઈ ગઈ હતી અને મારી એક ફ્રેન્ડ ફોરેન જવાની હતી; ફર્ધર સ્ટડીઝ માટે. એટલે મારી એ ફ્રેન્ડ અને મારો બેસ્ટ ફ્રેન્ડ બંને મને મળવા આવેલા, એ બંનેને એકબીજા પર લગભગ કોલેજનાં પહેલા વર્ષથી ક્રશ હતો; પણ એ લોકોનું આગળ ક્યારેય કઈ થઈ શક્યું નહોતું, પણ એનો અફસોસ નહોતો બંનેને. બંને અત્યારે એમના સંબંધથી ખુશ હતા. છોકરો લોંગ ટાઈમથી બીજી છોકરી સાથે કમિટમેન્ટમાં હતો, અને આ છોકરીને પણ બોયફ્રેન્ડ હતો. અમે લોકો વાતો કરતા હતા; ખૂબ જ હસી-મજાક, યાદો, જિંદગી વિશે, ખાસ્સી વાતો પછી એમને થોડી વાર માટે પર્સનલ સ્પેસ જોઈતી હતી અને હું થોડેક દૂર બેઠો અને યાદ આવ્યુ કે એ સવારે જ આ ગીત હું મારા પ્લેલિસ્ટમાંથી સાંભળતો હતો. ફરીવાર આ ગીત લગાવ્યું કાનમાં ઈયરફોન ખોસીને, અને સામેની સિચ્યુએશન ગીત સાથે ટોટલી જામતી હતી; ટોટલી ટોટલી. હાલ પણ જ્યારે આ ગીત સાંભળું ત્યારે એ બપોર જરૂર યાદ આવે છે અને આ ગીત સાંભળવાથી કે એ જગ્યા જ્યાં અમે મળ્યા હતા, એ રસ્તો; ત્યાંથી પસાર થવાય તો પણ એ બપોર યાદ આવે છે! છોકરી એકાદ વર્ષ પહેલા એના બોયફ્રેન્ડ સાથે પરણી ગઈ છે અને છોકરાની પણ એની ગર્લફ્રેન્ડ સાથે સગાઈ થઈ ગઈ છે! બંને હાલ ભારતમાં નથી, પણ જ્યારે આ ગીત સાંભળુ છું ત્યારે અમારી એ મુલાકાત મારી નજર સામે આવે છે એન્ડ આઈ મિસ ધેમ!